ການແຂ່ງຂັນໂຕ້ວາທີແບບລວມໝູ່ Team Debate ປະຈຳປີ 2021 ຂອງສາຂາ ການເງິນ-ການບັນຊີ ແລະ ບໍລິຫານທຸລະກິດ ໃນຫົວຂໍ້ “ຍຸກ ໂຄວິດ-19”
ໃນວັນສຸກ ທີ 19 ມີນາ 2021 ເວລາ 9:00ໂມງເຊົ້າ ທີ່ຫ້ອງ Top Hall ຂອງ ວິທະຍາໄລ ລາວ-ທ໊ອບ ໄດ້ມີການຈັດຕັ້ງການໂຕ້ວາທີ ປະຈຳປີ 2021 ຂຶ້ນ ໃນຫົວຂໍ້ “ຍຸກ ໂຄວິດ-19” ເຊິ່ງຈັດໂດຍ ສາຂາ ການເງິນ-ການບັນຊີ ແລະ ສາຂາບໍລິຫານທຸລະກິດ.
ຈຸດປະສົງຂອງການໂຕ້ວາທີໃນຄັ້ງນີ້ແມ່ນ ເພື່ອໃຫ້ນັກສຶກສາໄດ້ມີຄວາມສາມາດໃນການສະແດງອອກ ດ້ານວາທະສິນ, ຄວາມສາມັກຄີພາຍໃນ ແລະ ຍົກສູງຄວາມຮູ້ຄວາມສາມາດໃນການຄົ້ນຄວ້າຂໍ້ມູນ.
ທ່ານ ອາຈານ ລຳໄພ ຂຸນດາວົງ ຜູ້ອຳນວຍການ ວິທະຍາໄລ ລາວ-ທ໊ອບ ໄດ້ໃຫ້ກຽດເຂົ້າຮ່ວມກ່າວເປີດພິທີ ແລະ ສະແດງຄຳຄິດເຫັນຕໍ່ການໂຕ້ວາທີຄັ້ງນີ້.
ງານດັ່ງກ່າວແມ່ນຈັດຂຶ້ນສະເພາະສາຂາ ການເງິນ-ການບັນຊີ ແລະ ສາຂາ ບໍລິຫານທຸລະກິດ ໂດຍແມ່ນ ທ່ານອາຈານ ຄຳຫວຽງ ຈັນທະກູນ ຫົວໜ້າສາຂາວິຊາ ເປັນປະທານກຳມະການ ນອກນັ້ນຍັງມີກຳມະການອີກສອງທ່ານຄື ທ່ານອາຈານ ອະໂນມາ ປຣະພັນຈິດ ແລະ ທ່ານອາຈານ ຄຳຕັນ ສະຫຼຽນຄຳ.
ຍັດຕິໃນການໂຕ້ວາທີຄັ້ງນີ້ມີ 2 ຍັດຕິຄື “ພໍ່ຄ້າ ກັບ ນັກທຸລະກິດ” ແລະ “ຊົນນະບົດ ແລະ ໂຕເມືອງ”
- ຜູ້ຊະນະເລີດແມ່ນນັກສຶກສາຈາກຫ້ອງ ປີ 2 ພາກເຊົ້າ ຮັບທຶນການສຶກສາ 300.000 ກີບ
ທ້າວ ສອນໄຊ ແກ້ວມະນີ
ນາງ ເກສອນ ສຸລິວົງ
ນາງ ກັນນາລີ ລໍ່ທອງຫຼ້າ - ຮອງຊະນະເລີດອັນດັບ 1 ແມ່ນ ປີ 2 ພາກຄໍ່າ ຮັບທຶນການສຶກສາ 200.000ກີບ
ທ້າວ ອານຸກອນ ວັນນະສີ
ທ້າວ ປະເທດ ວ່າງ
ທ້າວ ຕິກ ແກ້ວມາລາຄຳ - ຮອງຊະນະເລີດອັນດັບ 2 ແມ່ນ ປີ 1 ພາກຄໍ່າ ຮັບລາງວັນຊົມເຊີຍ
ນາງ ສຸພາພອນ ພະທິລາດ
ນາງ ແສງພະຈັນ ບົວຄຳວົງສາ
ນາງ ເພັດມະນີ ໄຊຍະວົງສາ - ຮອງຊະນະເລີດອັນດັບ 3 ແມ່ນ ປີ 1 ພາກເຊົ້າ ຮັບລາງວັນຊົມເຊີຍ
ທ້າວ ສັນທອງ ພົນມີໄຊ
ນາງ ປານັດດາ ສະໄຫວວົງທອງ
ນາງ ສຸດາວັນ ດວງຄຳໄພ
