ເພື່ອເປັນການປະຕິບັດຕາມຫ້າຫຼັກມູນຂອງການສຶກສາກໍຄືແຮງງານສຶກສາ ທີ່ຂັ້ນເທິງໄດ້ວາງອອກ ຮັກສາຄວາມສະອາດພາຍໃນຂົງເຂດ ປຸກລະດົມໃຫ້ປະຊາຊົນໃນຂົງເຂດບໍ່ຖິ້ມຂີ້ເຫຍື້ອຊະຊາຍ ເສີມສ້າງຄວາມສາມັກຄີລະວ່າງຄູອາຈານ ແລະ ນັກສຶກສາ ເຊິ່ງໃນວັນເສົາ ທີ 26/1/2013 ເວລາ 6:30 ເຊົ້າທີ່ຜ່ານມານັ້ນ ທາງວິທະຍາໄລ ລາວ-ທ໊ອບ ເຊິ່ງລວມມີຄູອາຈານ ແລະ ນັກສຶກສາຈຳນວນ 50 ກວ່າຄົນໄດ້ພາກັນອອກແຮງງານອານາໄມຂົງເຂດວິທະຍາໄລ ແລະ ອ້ອມແອ້ມບ້ານໂພນປ່າເປົ້າ ໂດຍເລີ່ມຈາກວິທະຍາໄລ ຍ່າງອ້ອມບ້ານໂພນປ່າເປົ້າ ແລ້ວອ້ຽວກັບມາຫາວິທະຍາໄລອີກຄັ້ງ
ອາຈານ ລຳໄພ ຂຸນດາວົງ ຮອງອຳນວຍການວິທະຍາໄລ ລາວ-ທ໊ອບ ໄດ້ກ່າວວ່າ: ໃນເມື່ອກ່ອນໄດ້ມີການອອກແຮງງານໃນທຸກໆວັນເສົາ ເຊິ່ງເອີ້ນວ່າວັນເສົາແດງເພື່ອເປັນການສຶບຕໍ່ວັນເສົາແດງ ທາງພວກເຮົາຈຶ່ງໄດ້ປຸກລະດົມນັກຮຽນນັກສຶກສາມາອອກແຮງງານພາຍໃນບ້ານໂພນປ່າເປົ້າໃຫ້ສະອາດ ບັນດານັກສຶກສາກໍມີຄວາມພ້ອມພຽງຮຽງໜ້າກັນ ມີຄວາມສາມັກຄື ການອອກແຮງງານວັນເສົານີ້ເປັນເທື່ອທຳອິດຂອງວິທະຍາໄລ ເຊິ່ງເປັນການຢັ້ງຢືນວ່າຂະບວນການອອກແຮງງານຂອງວິທະຍາໄລ ລາວ-ທ໊ອບນີ້ຈະມີການສືບຕໍ່ໄປເລື້ອຍໆ
ຮູບອື່ນໆເບິ່ງໄດ້ທີ່ facebook.com/laotop