B-You FC ແຊ້ມປະຈຳ Lao-Top Football Tournament 2020 ຂອງວິທະຍາໄລ ລາວ-ທ໊ອບ ຄວ້າທຶນການສຶກສາ 1.500.000 ກີບ.
ວັນທີ 14 ມີນາ 2020 ທີ່ເດີ່ນເຕະບານ Ferrari FC ເວລາ ວິທະຍາໄລ ໄດ້ຈັດການແຂ່ງຂັນເຕະບານນັດຊິງຊະນະເລີດ ແລະ ຊິງທີ 3 ເຊິ່ງໄດ້ເລີ່ມຈັດການແຂ່ງຂັນ Lao-Top Football Tournament 2020 ຕັ້ງແຕ່ 11 ມັງກອນ 2020 ມີທັງໝົດ 8 ທີມ.
ສຳລັບໃນນັດຊິງນີ້ມີ 4 ທີມເຂົ້າຮອບປະກອບດ້ວຍ ຄູ່ຊິງທີ 3 ແມ່ນ Morning Predators FC ພົບກັບ Harajuku FC ແລະ ຄູ່ຊິງທີ 1 ແມ່ນ Bullet United ພົບກັບ B-You FC.
ຄູ່ຊິງທີ 3 ເລີ່ມເຕະຕອນເວລາ 16:00 ໂມງ ໂດຍຜ່ານ Morning Predators FC ເປັນຝ່າຍຂຶ້ນນຳກ່ອນໜຶ່ງປະຕູ ຈົນມາຮອດເຄິ່ງເວລາທີສອງ Harajuku FC ຈຶ່ງຕີສະເໝີຂຶ້ນມາໄດ້ເປັນ 1-1 ຈົນມາຮອດນາທີສຸດທ້າຍຂອງການທົດເວລາບາດເຈັບ ທາງ Morning Predators ໄດ້ລູກຟາວຕັ້ງເຕະຍິງເຂົ້າເປັນ 2-1 ແລະ ຈົບເກມການແຂ່ງຂັນ Morning Predators FC ເປັນຜູ້ຊະນະໄດ້ອັນດັບ 3 ສ່ວນ Harajuku FC ໄດ້ອັນດັບ 4.
ຄູ່ຊິງຊະນະເລີດ ເປັນການພົບກັນລະຫວ່າງ Bullet United ພົບກັບ B-You FC ໂດຍຝ່າຍ B-You ຍິງຂຶ້ນໄປກ່ອນໃນນາທີທີ່ 5 ແລະ ກ່ອນຈົບການແຂ່ງຂັນເຄິ່ງເວລາທີໜຶ່ງ ທີມ B-You ກໍຈັດໄປອີກໜຶ່ງປະຕູ ຈົບເຄິ່ງທຳອິດຈົບທີ່ 0-2. ຈົນມາຮອດເຄິ່ງເວລາທີສອງ ນາທີທີ່ 48 ທັງຝັ່ງ B-You ກໍຍິງໄປອີກເປັນ 0-3 ຈົນຈົບເວລາການແຂ່ງຂັນ Bullet United ເສຍໃຫ້ກັບ B-You 0-3 ປະຕູ
- ທີມຊະນະເລີດ B-You FC
- ຮອງອັນດັບໜຶ່ງ Bullet United
- ຮອງອັນດັບສອງ Morning Predators FC
- ຮອງອັບດັບສາມ Harajuku FC
- ກອງເຊຍດີເດັ່ນ AF Galaxy
- ຜູ້ຍິງປະຕູສູງສຸດສອງຄົນ ສົມເພັດ ຈາກ Harajuku FC ແລະ ພົມມະສອນ ຈາກ Bullet United