ສະຫຼຸບຜົນການແຂ່ງຂັນໃນຮອບອາທິດ
ສະຫຼຸບຜົນການແຂ່ງຂັນເຕະບານໃນອາທິດທີ່ຜ່ານມາ ມີທັງທີມທີ່ເຂົ້າຮູບ 4 ທີມ ແລະ ເຂົ້າຮອບ 8 ທີມ
ເລີ່ມຈາກຄູ່ໃນວັນສຸກ ທີ 20/3/2015 ທີ່ເດີ່ນຊັບພະວິຊາ ມີ 2 ຄູ່ເຕະ ເປັນການພົບກັນລະຫວ່າງ Year IV-A ແລະ G2 A+B ສ່ວນອີກຄູ່ໜຶ່ງແມ່ນ Year II A+B ພົບກັບ Year I C+D ທັງສອງຄູ່ແລກເກມກັນຢ່າງມ່ວນຊື່ນ ເກືອບມີຜົນສະເໝີທັງສອງຄູ່ ແຕ່ສຸດທ້າຍແລ້ວກໍໄດ້ທີມທີ່ຊະນະ ນັ້ນກໍຄືທີມ Year IV-A ຊະນະ G2 A+B ໄປດ້ວຍຜົນ 3-2 ສ່ວນອີກທີມທີ່ຊະນະແມ່ນ Year I C+D ຊະນະ Year II A+B ຢ່າງຂາດລອຍ 7-3 ສົ່ງຜົນໃຫ້ Year IV-A ໄປຢືນຖ້າໃນຮອບ 4 ທີມ ສ່ວນ Year I C+D ເຂົ້າຮອບ 8 ທີມ
ສ່ວນຜົນຂອງວັນເສົາທີ 21/3/2015 ມີເຕະກັນທີ່ເດີ່ນທະນົງອາດ ມີສອງຄູ່ເຊັ່ນກັນ ເປັນການມາພົບກັນຂອງທີມໃຫຍ່ປະຈຳໂຮງຮຽນ ເພື່ອຊິງເຂົ້າຮອບ 4 ທີມໂດຍມີຄູ່ໃຫຍ່ຂອງໂຮງຮຽນເຕະກັນເວລາ 17:00 ທີມລຸ້ນອ້າຍພົບກັບຫ້ອງທີ່ມີແຕ່ທີມໂຮງຮຽນ ຄື Year V ພົບກັບ Year III-B ຜົນການແຂ່ງຂັນແມ່ນ Year III-B ເຊິ່ງນັກສຶກສາໃນຫ້ອງເປັນທີມໂຮງຮຽນເກືອບໝົດທຸກຄົນ ຊະນະເຂົ້າຮອບ 4 ທີມໄປດ້ວຍຜົນປະຕູ 1-2.
ອີກຄູ່ໜຶ່ງແມ່ນເຕະກັນເວລາ 18:00 ເປັນການພົບກັນລະຫວ່າງທີມຄູອາຈານ ພົບກັບ ທີມນ້ອງໃໝ່ຂອງສະຖາບັນ F1+2+3 ເປັນການແຂ່ງຂັນທີສູສີກັນ ແລະ ແລກເກມກັນໃຫ້ຜູ້ຊົມໄດ້ລຸ້ນຈົນຕ້ອງໄດ້ລຸກຂຶ້ນມາເຊຍ ສ່ວນຜົນການແຂ່ງຂັນແມ່ນ ທີມຄູອາຈານ ຊະນະໄປດ້ວຍຜົນ 5-4 ເຂົ້າຮອບ 4 ທີມໄປພົບກັບ Year III-B
ສຳລັບໂປຣແກຣມການແຂ່ງຂັນໃນວັນສຸກ ແລະ ເສົາໜ້ານີ້ມີຫຼາຍຄູ່ທີ່ໜ້າສົນໃຈດັ່ງນີ້
ວັນສຸກ 27/3/2015-ຮອບ 8 ທີມ (ຄູ່ສຸດທ້າຍ)
Year III-C vs. Year I C+D ເວລາ 19:30 ເດີ່ນຊັບພະວິຊາ
ວັນເສົາ 28/3/2015-ຮອບ 4 ທີມ (ຄູ່ທີ1)
Year III-B vs. Teacher ເວລາ 17:00 ເດີ່ນທະນົງອາດ
ວັນອາທິດ 29/03/2015 ຮອບ 4 ທີມ (ຄູ່ທີ2)
Year IV-A vs. ຜູ້ຊະນະໃນຮອບ 8 ທີມ ຄູ່ສຸດທ້າຍ
ມັກທີມໃດ ຮຽນຫ້ອງໃດ ກໍມາຊົມ ມາເຊຍກັນໄດ້ຕາມວັນເວລາທີ່ໄດ້ກຳນົດໄວ້