ສູນ ICT ກະຊວງສຶກສາທິການ ແລະ ກິລາ ພົບກັບ ວິທະຍາໄລ ລາວ-ທ໊ອບ
ວິທະຍາໄລ ລາວ-ທ໊ອບ ເສຍ 8-5 ປະຕູ
ໃນວັນທີ 22/12/2017 ທີ່ເດີ່ນເຕະບານໃນຮົ່ມ ວິກຕໍຣີ ໄດ້ມີກິດຈະກຳເຕະບານ ລະຫວ່າງທີມ ສູນໄອຊີທີ (ກະຊວງສຶກສາທີການ ແລະ ກິລາ) ພົບກັບ ທີມຄູອາຈານ ວິທະຍາໄລ ລາວ-ທ໊ອບ. ເຊິ່ງທີມວິທະຍາໄລ ລາວ-ທ໊ອບ ແມ່ນນຳພາໂດຍອາຈານ ລຳໄພ ຂຸນດາວົງ ແລະ ອາຈານ ພັນທະວິໄລ ນວນຮຸ່ນ ໄດ້ຈັດກິດຈະກຳເຕະບານເສີມສາຍສຳພັນ ລະຫວ່າງ ວິທະຍາໄລ ແລະ ກະຊວງສຶກສາທິການ ແລະ ກິລາ ໃຫ້ມີຄວາມຮັດແໜ້ນຍິ່ງຂຶ້ນ ພ້ອມຍັງເປັນການສະເຫຼີມສະຫຼອງສົ່ງທ້າຍປີເກົ່າ ຕ້ອນຮັບປີໃໝ່ທີ່ຈະມາເຖິງນີ້.
ວິທະຍາໄລ ລາວ-ທ໊ອບ ໄດ້ມອບພວງກຸນແຈ ຄົບຮອບ 10 ປີ ຂອງວິທະຍາໄລ ລາວ-ທ໊ອບ ໃຫ້ແກ່ທາງສູນ ໄອຊີທີ ເພື່ອຈະໄດ້ເປັນທີ່ລະນຶກ
ສຸດທ້າຍນີ້ກໍຂໍອວຍໄຊໃຫ້ພອນແກ່ບັນດາພະນັກງານການນຳ ກະຊວງສຶກສາທີການ ແລະ ກິລາ ທຸກໆຄົນ, ຄູອາຈານ ແລະ ນັກສຶກສາໝົດທຸກຄົນຈົ່ງມີສຸຂະພາບເຂັ້ມແຂງ ມີພາລານາໄມທີ່ສົມບູນແບບ ຄວາມເຈັບຢ່າໄດ້ ຄວາມໄຂ້ຢ່າມີ ຮັ່ງມີເງິນຄໍາໃນປີໃໝ່ນີ້.