ໃນວັນທີ 30 ມິຖຸນາ 2026 ທີ່ ຫ້ອງປະຊຸມ ມັດທະຍົມສຶກສາວຽງຈັນ ໄດ້ມີການເປີດກອງປະຊຸມ ເພື່ອປຶກສາຫາລື ປະຈຳປີ 2026 ຂອງສະມາຄົມການສຶກສາພາກເອກະຊົນ ສາອາຊີວະ.
ໃຫ້ກຽດເຂົ້າຮ່ວມເປັນປະທານໂດຍແມ່ນ ທ່ານ ໂຍພິນ ເວດສະພົງ ຮອງປະທານສະມາຄົມການສຶກສາພາກເອກະຊົນ ຮັບຜິດຊອບສາຍອາຊີວະ ແລະ ທ່ານ ສີທົນ ພະແນກສຶກສານະຄອນຫຼວງ ພ້ອມດ້ວຍອຳນວຍການ, ຄະນະບໍລິຫານ ຈາກສະຖານອາຊີວະສຶກສາພາກເອກະຊົນ ແລະ ພາກລັດ.
ວິທະຍາໄລ ລາວ-ທ໊ອບ ກໍໄດ້ເຂົ້າຮ່ວມ ເຊິ່ງຕາງໜ້າໂດຍແມ່ນ ທ່ານ ສົມປະສົງ ວົງຖາວອນ ຮອງອຳນວຍການຝ່າຍແຜນການ ແລະ ນະວັດຕະກຳ.
ໃນກອງປະຊຸມໄດ້ມີຄຳຖາມເຈາະຈີ້ມ 6 ປະເດັນ ທີ່ເປັນຄຳຖາມເປີດກວ້າງໃຫ້ບັນດາວິທະຍາໄລ ໄດ້ຮ່ວມປະກອບຄຳຄິດເຫັນ ເພື່ອນຳສະເໜີຕໍ່ທ່ານລັດຖະມົນຕີກະຊວງສຶກສາທິການ ແລະ ກິລາ ໃນກອງປະຊຸມໃຫຍ່ຜູ້ບໍລິຫານການສຶກສາ ປະຈຳປີ 2026 ທີ່ຈະຈັດຂຶ້ນໃນມໍ່ໆນີ້.
ຄຳຖາມເຈາະຈີ້ມປະກອບມີ
- ຄວນສ້າງກົນໄກການຮ່ວມມືກັນ ພາກລັດ ສາຍອາຊີວະ ແລະ ຂະແໜງການທີ່ກ່ຽວຂ້ອງ ຄືແນວໃດ?
- ຄວນສ້າງກົນໄກການຮ່ວມມືລະຫວ່າງ ໂຮງຮຽນເຕັກນິກ, ສູນ, ວິທະຍາໄລ, ແລະ ສາຍສາມັນ ຄືແນວໃດ?
- ຄວນຊຸກຍູ້ ສົ່ງເສີມ ແລະ ພັດທະນາ ບັນດາຄູອາຈານ ແລະ ຜູ້ບໍລິຫານວິທະຍາໄລສາຍອາຊີວະ ໃຫ້ມີຂັ້ນຕອນເພີ່ມຂຶ້ນ ຄືແນວໃດ?
- ທ່ານມີວິທີການ ທີ່ຈະຊັກຈູງແຮງຈູງໃຈ ໃຫ້ກັບນັກຮຽນມີຄວາມສົນໃຈ ເຂົ້າມາຮຽນໃນສາຍອາຊີວະສຶກສາ?
- ການເຮັດກິດຈະກຳຮ່ວມກັນ ສະຖາບັນການສຶກສາເອກະຊົນ ໃຫ້ມີປະສິດທິພາບ ສຶກສາ ສາຍອາຊີວະ ມີວິທີໃດ?
- ຄວນສ້າງກົນໄກ ການຄຸ້ມຄອງບໍລິຫານ ລະຫວ່າງ ສູນ ໂຮງຮຽນ ວິທະຍາໄລ ສາຍອາຊີວະ ໃຫ້ມີຄວາມເຂັ້ມແຂງຄືແນວໃດ?
