ງານປະກວດຮ້ອງເພງສາກົນປະຈຳປີ 2018
ຈຸດປະສົງ
ງານປະກວດຮ້ອງເພງສາກົນນີ້ຈັດຂຶ້ນເພື່ອສ້າງກິດຈະກຳໃຫ້ນັກສຶກສາໃນ ວິທະຍາໄລ ໃຫ້ນັກສຶກສາໄດ້ສະແດງຄວາມສາມາດໃນດ້ານສີລະປະ ຕອບສະໜອງ ເຖິງວຽກງານສີລະປະສຶກສາທີ່ທາງກະຊວງສຶກສາທິການ ແລະ ກິລາໄດ້ວາງອອກ. ກິດຈະກຳປະກວດຮ້ອງເພງສາກົນຄັ້ງເປັນການພິສູດຄວາມສາມາດຂອງນັກສຶກສາ ດ້ານການຮ້ອງເພງ ແລະ ດ້ານພາສາອັງກິດ ເຊິ່ງເປັນຈຸດຫຼັກຂອງວິທະຍາໄລ ລາວ-ທ໊ອບ.
ກຳນົດການ
- ຮັບສະມັກ: ວັນທີ 25 ຕຸລາ ຫາ 7 ພະຈິກ 2018
- ຮອບຄັດເລືອກ: ວັນທີ 9 ພະຈິກ 2018
- ຮອບສຸດທ້າຍ: ວັນທີ 16 ພະຈິກ 2018
ເງື່ອນໄຂຜູ້ເຂົ້າສະມັກ
ຜູ້ເຂົ້າສະມັກຕ້ອງເປັນນັກສຶກສາທີ່ກຳລັງສຶກສາຢູ່ທີ່ ວິທະຍາໄລ ລາວ-ທ໊ອບ ໃນສົກສຶກສາ 2018-2019 ນີ້ເທົ່ານັ້ນ
ເພງທີ່ໃຊ້ເຂົ້າປະກວດ
ຜູ້ເຂົ້າປະກວດສາມາດນຳໃຊ້ເພງໃດກໍໄດ້ທີ່ເປັນພາສາອັງກິດ ສາມາດເລືອກໄດ້ທຸກຮູບແບບເພງ
ຮູບແບບການແຂ່ງຂັນ
ຮອບຄັດເລືອກ
ໃນຮອບຄັດເລືອກຈະເປັນການຮ້ອງສຽງສົດໂດຍບໍ່ມີດົນຕີໃຫ້ຄະນະກຳມະການຟັງ, ຄັດເລືອກເອົາພຽງ 6 ຄົນ. ໂດຍຈະມີເກນການຕັດສິນດັ່ງນີ້
- ຄຸນະພາບສຽງ 40%
- ການຮ້ອງຈະແຈ້ງ 30%
- ການອອກສຽງພາສາອັງກິດຈະແຈ້ງ 30%
ຮອບສຸດທ້າຍ
ຜູ້ທີ່ເຂົ້າຮອບສຸດທ້າຍ 6 ຄົນຈະຕ້ອງປະມາປະຊັນກັນອີກຄັ້ງໃນຣອບນີ້ໂດຍຈະມີການຣ້ອງເພງປະກອບດົນຕີ ແລະ ສະແດງຕໍ່ໜ້າຜູ້ຊົມ ເຊິ່ງມີເກນການຕັດສິນດັ່ງນີ້
- ຄຸນະພາບສຽງ 30%
- ການຮ້ອງຈະແຈ້ງ 25%
- ຮ້ອງຖືກຈັກຫວະ 25%
- ການອອກສຽງພາສາອັງກິດຈະແຈ້ງ 10%
- ການສະແດງ 5%
- ຄວາມບັນເທີງ 5%
ລາງວັນ
- ລາງວັນຊະນະເລີດ: ເງິນສົດ 400,000 ກີບ
- ລາງວັນຮອງຊະນະເລີດ: ເງິນສົດ 200,000 ກີບ
- ລາງວັນຮອງຊະນະເລີດອັນດັບ 2: ເງິນສົດ 100,000 ກີບ
- ລາງວັນຊົມເຊີຍອີກ 3 ລາງວັນ